Байгалаас заяасан чадвараа хүчинтэй болгох

“Бусдыг дуурайж, бусдын чадварыг өөр дээрээ ашиглаж, эзэмшихээс илүү өөрт байгаа чадварыг ашиглаж эзэмших нь илүү их үр дүнд хүргэдэг.”

Дэлхий ертөнц бид бүгдэд ямар нэгэн чадварыг харамгүйгээр бэлэг болгон барьсан байдаг. Энэхүү бэлгийг яаж олж авах вэ? Зогс! Хайсны хэрэггүй! Бидэнд аль хэдийн байж байдаг.

Хэн нэгнийг дуурайж тэр нэгэн болоход буруу байхгүй ч, бусдыг хэт их дуурайлгаснаар өөрт байгаа чадваруудыг хүчингүй болгож, өөрийнхөө “БИ”-г мартдаг. Харин түүний оронд өөрт байгаа чадваруудаа 100% ашиглаж мөн бусдын чадваруудаас давхар суралцаж, түүнийгээ  хийж байгаа зүйлдээ тусгаж өгвөл улам их үр дүнтэй болно.

Бусдыг амжилтанд хүргэж байгаа тэр чадвар, тэр арга барил зөвхөн тэр хүндээ л амжилтыг авчирдаг. Тиймээс аль болох өөрийгөө амжилтанд хүргэх өөрийн арга барил болон өөрийн чадваруудаа ашиглалтанд оруулах хэрэгтэй. Бидний нийгэм хүртэл түүнийг чинь хүлээж байгаа:  ЧАДВАРЛАГ ХУВЬ ХҮНИЙГ.!

Өнөөдрөөс эхлээд өөрийгөө нэг сайн ажаад, өөрт өгөгдсөн чадвар юу байна гэдгийг олж тогтоож, хөгжүүлж, түүнийгээ ашиглаж эхэл!  Өөрийн чадварыг үл тоож бусдыг хэт их дуурайх гэсэн бодлоо өөрчил! Байгалаас заяасан чадвараа хүчинтэй болгоцгооё!!!

Доорх зурган дээр дарж видеог үзнэ үү!

[powerpress]

Та бүхэндээ амжилт хүсье!

©Ука Төмөр