Яаж зөн совингоо хөгжүүлэх вэ?

Ука Төмөр Блог 10 Comments

Ямар нэгэн шийдвэр гаргахаасаа өмнө  шийдвэр тэнь “зөв үү, буруу юу?” гэдгийг бататгахын тулд та хэн нэгнээс асуудаг уу? Би бол заавал хэн нэгнээс  “Би ингэдэг юм уу гэж бодоод, чи юу гэж бодож байна вэ?” гэж асуудаг байсан. Миний гаргах гэж байгаа шийдвэр хичнээн ЗӨВ гэдгийг мэдэж байгаа ч гэсэн хамаагүй, түүнийгээ 100% бататгахын тулд заавал асуудаг байсан. Хэрвээ асууж буй хүн миний шийдвэрийг “зөв” гэж хэлбэл би шууд шийдвэрээ гаргана. Хэрвээ “буруу” гэж хэлбэл би өөр нэг хүнээс  “би ингэж бодоод, тэгсэн чинь тэр тэгж хэлээд, чи юу гэж бодож байна вэ? гэж асууна. Хэрвээ тэр хүн миний гаргах гэж байсан шийдвэрийг “буруу” гэх юм бол  “зөв” гэж дэмжих болов уу гэж бодсон өөр нэг хүнийг үргэлжлүүлэн хайна. Яагаад гэвэл миний зөн совин зөв шийдвэр гэдгийг надад хэлчихсэн байдаг учраас л би түүнийгээ баталгаажуулах санаатай бусдаас асуудаг. Өөрөөр хэлбэл би зөн совиндоо 100% итгэхгүй байгаа учраас  бусдаас хүч авч итгэлээ баталгаажуулах санаатай асуудаг гэж болно. Тиймээс бусад надтай санал нэг биш бол заавал санал нэг байх хүнийг хайж олох гээд өөрийгөө зовооно. Баталгаа өгөх хүн олдоогүй тохиолдолд заримдаа эргэлзээ үүсч, зөн совингоо дагахгүй бусдын бодол санаагаар шийдвэрээ гаргачихдаг байсан. Харин сүүлд нь зөн совин маань зөв байсныг мэдээд “Би ямар тэнэг юм бэ? Өөрийнхөөрөө л байхгүй яав аа? гэж өөрийгөө зэмлэж, харамсана. Нөгөө нэг тохиолдолд яадаг вэ гэвэл зөндөө хүнээс асууж асуучихаад өөрийнхөөрөө зогсох үе их гардаг байсан. Харин энэ үед “Ингэж өөрийнхөөрөө шийдвэр гаргах байсан юм бол юу гэж асуусан юм бэ” гэж хүмүүс бодвол яана аа гэж …

Зөн совингоо дага

Ука Төмөр Влог 8 Comments

Асуулт:  Зөн совингийн талаар чи юу гэж боддог вэ? Зөн совин үнэн байх магадлалтай юу? Өөрөөр хэлбэл 100% итгэж болох уу? Хариулт: Зөн совинд би итгэдэг. Зөн совингоо дагаснаар зөвдсөн үү гэхээс биш буруутаж байгаагүй. Харин зөн совингоо үгүйсгээд, айдас, бардам зангаа сонссоноор буруутаж байсан. Миний бодлоор зөн совин бол байгалаас заяасан нандин бэлэг. Өөрөөр хэлбэл  дэлхий ертөнцөөс хүн төрөлхтөнд өгсөн  чадвар ч гэхиймуу эсвэл бие махбодь зүрх сэтгэлээрээ мэдэхийг зөн совин гэж болох юм. Айдас болон бардам зан бидний оюун ухаанаас гарч байхад зөн совин бидний дотоод гүнээс, зүрх сэтгэлээс гарч байдаг . Тиймээс зөн совиндоо итгэж, түүнийгээ дагах нь зөв гэж бодож байна. Амжилттай яваа бүх хүмүүс зөн совиндоо итгэдэг. Тэдгээр хүмүүс зөн совингийн тухай юу гэж хэлж буйг сонирхоё. “Зөн совиндоо итгэх хэрэгтэй гэдгийг би олон жилийн туршлагаасаа сурсан.” ~ Brian Tracy “Яах вэ гэдгийг оюун ухаан бодож амжаагүй байхад зөн совин урьдчилан хэлж өгдөг.” ~ Michael Burke “Зөн совингоо сонс. Зөн совин таны мэдэх ёстой бүхнийг хэлж өгнө.” ~ Anthony J D’Angelo “Өглөө болгон миний зөн совин надад юу хэлэх бол гэдэгт би сэтгэл догдлон сэрдэг. Би зөн совинтойгоо үргэлж ажилладаг мөн түүндээ итгэдэг. Миний портнёр л гэсэн үг.” ~ Jonas Salk “Дотоод дуу хоолойндоо итгэ.” ~ Lynn A. Robinson [powerpress] Би өнөөдрийнхөө бичлэг дээр нэгэн чухал асуултанд бас хариу өгөхийг хүслээ. Ямар нэгэн зүйлийг хийх гэхээр таныг ямар нэгэн юм зогсоогоод байдаг уу? Энэ нь таны айдас таныг зогсоогоод байна уу эсвэл зөн совин зогсоогоод байна уу? Хэрвээ та эргэлзэж байгаа бол санаа зовох хэрэггүй. …

Яаж өөрийгөө сонсож сурах вэ?

Ука Төмөр Влог 9 Comments

АМЖИЛТЫН ТАРНИ: Би өөрийнхөө дуу хоолойг сонсож байна! Орчин үед бид их завгүй болсон учраас бидэнд юу хэрэгтэй, бид юу хүсч байна гэдгийг мэдэхэд хэцүү болсон. Яагаад гэвэл facebook, twitter, youtube гээд л… бусад юу хийж байна, яаж байна, ямар зураг тавьж гээд бусад руу анхаарлаа төвлөрүүлээд өөрөө яг юу хүсч байгааг тоохгүй орхидог тохиолдол их бий. Тиймээс би энд өөрийгөө сонсож сурах маш энгийн зөвлөмжийг оруулж байна. Өөрийгөө яаж сонсож сурах вэ? Өөрт юу хэрэгтэй байгаагаа, юу хүсч байгаагаа яаж мэдэх вэ? Эдгээр асуултуудад хариулах хамгийн энгийн зөвлөмжийг доор орууллаа. Энэхүү энгийн гэх зөвлөмжийг өөр дээрээ хэрэглэж, дасгал сургууль хийж чадснаар хүн өөрийн зөн совин, зүрх сэтгэлийг сонсож сурна. Өөрөөсөө асуух 3 асуулт. Доорх 3 асуултыг өдөрт аль болох олон удаа өөртөө сануулж байх, сануулах нь хэцүү санагдвал утас болон цаган дээрээ гуч гучин минутаар сэрүүлэг тавьж  болно. Хийж байгаа ажлаа түр орхин нүдээ аниад, гүн амьсгаа аваад… 1. Надад ямар мэдрэмж төрж байна вэ?- гэдгийг өөрөөсөө асуу. Өөрийн биеийг чагна. Танд яг ямар мэдрэмж төрж байна вэ? Бухимдаж байна уу? Сэтгэл хөдөлж байна уу? Ядарч байна уу? Бие тань чилж байна уу? Тийм бол яг хаана чилж байна вэ? Яг одоо надад ямар мэдрэмж төрж байна вэ?  гэж асууж түүнийгээ мэдэр. 2. Надад юу хэрэгтэй байна вэ?-гэдгийг өөрөөсөө асуу. Хэрвээ бие тань чилж байвал суниах хэрэгтэй байна уу? Цэвэр агаар амьсгалах хэрэгтэй байна уу? Ус уух хэрэгтэй байна уу? Юм идэх хэрэгтэй байна уу? Яг одоо биеийн тамирын дасгал хиймээр байна уу? Хэн нэгэн рүү ярьж дотроо онгойлгомоор …