МИНИЙ БУЦАЛЖ БУЙ АМЬДРАЛ: Би өөрийгөө голж, бүх зүйлийг төгс байлгах гээд стрэсстдэг.

Ука Төмөр МББА 4 Comments

Screen Shot 2558-09-09 at 2.08.56 PMHi! Та бүхэнд энэ өдрийн мэнд хүргэе.

Намайг Х гэдэг. Одоо 24 настай эмэгтэй.

Би ер нь багаасаа бие даасан л даа. Би сэтгэлзүйн болон иймэрхүү зүйлийн талаар их уншдаг. Яагаад гэвэл багаасаа л өөртөө итгэлгүй, аймхай, их ганцаардмал охин байсан. Одоо хүртэл эрэгтэй хүнтэй үерхэж үзээгүй, сайн дотны гэх найз ч байхгүй. Хүнтэй найзлах гэхээр нэг л болж өгөхгүй.

Би сүүлдээ энэ бүхэн надаас болоод байгаа юм байна гэж бодох болсон. Ер нь би шударга, хэлж ярьсандаа байхыг эрмэлздэг. Тэгээд ийм зүйлийг найз нөхдөөсөө шаардаад эцэст нь бас л ганцаардмал нэгэн болдог. Уг нь хүн гомдоож, сэтгэлд нь сэв суулгахыг хүсдэггүй, даан ч өөрийгөө нэг л мэдэхэд буруугаар ойлгуулсан байна. Бас өөрийгөө үргэлж голж, бүх зүйлийг төгс байлгах гэсээр сүүлдээ стрэсстдэг.

Би одооноос өөрийгөө өөрчлөх гэж хичээж байгаа. Гэхдээ надад бас хэн нэгний чин сэтгэлийн зөвлөгөө маш хэрэгтэй байна. Надад яах ёстойг минь зөвлөж өгөөч.

Баярлалаа!

 

________________________________________________________________________________________

МИНИЙ БУЦАЛЖ БУЙ АМЬДРАЛ (МББА)

Хэрвээ та амьдралынхаа туршлагаас бусадтай хуваалцахыг хүсвэл

Хэрвээ танд бусдад дуулгах амжилтын тухай сонирхолтой мэдээлэл байгаа бол

Хэрвээ та бусдад урмын үгээ хайрлах хүсэлтэй бол

түүнийгээ 250 буюу түүнээс дээш үгтэй нийтлэл болгон бичээд MiniiAmidral@ukatumur.com руу илгээгээрэй. Таны илгээсэн мэдээллийг цаг тухайн үед нь нийтлэх болно.