Skip to content

★★★ Амжилтанд хүрэхийн тулд оюун ухаан, зүрх сэтгэл, бие махбодоо хамтад нь зориулах хэрэгтэй. #ХүсХийХүр ★★★

Aug 27 14

Яаж фэйсбүүк(facebook) хуудсаа ил гаргаж, олон лайктай болох вэ?

by Ука Төмөр

яаж фэйсбүүк хуудсаа ил гаргах вэ

Хэрвээ та фэйсбүүк хуудастай боловч түүнийгээ олны дунд яаж ил гаргаж ирэх вэ гэдгээ мэдэхгүй байвал өнөөдрийн энэ бичлэгийг заавал үзээрэй. Үзсэнээр та шууд хэрэгжүүлэх боломжтой 8 алхамыг мэдэх болно.

Хэрвээ танд энэхүү бичлэг таалагдсан лайк дараад цааш нь бусаддаа түгээгээрэй. Мөн миний БЛОГ болон YouTube сувагт бүртгүүлээгүй бол яг одоо бүртгүүлээрэй. Ингэж бүртгүүлснээр би 7 хоног бүр гаргадаг бичлэгээ, урмын үгс, амжилтын тарнийн хамт таны и-мэйл хаяг руу тань илгээх болно.

ХҮС. ХИЙ. ХҮР.

ТАНЫ АМЖИЛТЫН ТӨЛӨӨ

©Ука Төмөр

Aug 8 14

Та анхаарлаа юун дээр төвлөрүүлж байна вэ?

by Ука Төмөр

Та анхаарлаа юун дээр төвлөрүүлж байна вэ?

Бид анхаарлаа юун дээр төвлөрүүлж байна түүнийгээ л олж хардаг. Хэрвээ та ямар нэгэн юм хүсээд, хайгаад олж чадахгүй байгаа бол та түүн дээрээ анхаарлаа бүрэн төвлөрүүлээгүй байж мэднэ. Яагаад гэдгийг энэхүү бичлэгээс үзнэ үү!

Тиймээс яг одоо өөртөө тавхан хувь (минут) гаргаж байгаад өөрөөсөө асуу. Би юун дээр анхаарлаа төвлөрүүлж байна вэ? Би юу хүсч мөрөөдөж байна вэ? Би юуны хойноос явж байна вэ? Аз жаргал, амжилт, эрүүл мэнд, шинэ боломжууд, хань ижил гэх мэт…яг юун дээр анхаарлаа төвлөрүүлж байна вэ?

Санаж яв: Анхаарлаа төвлөрүүлсэн бүхэн тэнь томорч, өргөжиж улмаар биелдэг.

Хэрвээ та зорилго дээрээ анхаарлаа төвлөрүүлбэл зорилгоо биелүүлэх бүх боломжуудыг олж харж бодит болгох болно.

Хэрвээ танд энэхүү бичлэг таалагдсан лайк дараад цааш нь бусаддаа түгээгээрэй. Мөн миний цахим мэдээлэл болон YouTube сувагт бүртгүүлээгүй бол яг одоо бүртгүүлээрэй. Ингэж бүртгүүлснээр би  7 хоног бүр гаргадаг бичлэгээ, урмын үгс, амжилтын тарнийн хамт таны и-мэйл хаяг руу тань илгээх болно.

 

ХҮС. ХИЙ. ХҮР.

ТАНЫ АМЖИЛТЫН ТӨЛӨӨ

©Ука Төмөр

Jul 31 14

Амжилтанд халтай найз нөхдийг яаж таньж мэдэх вэ?

by Ука Төмөр

 

Амжилтанд халтай найз нөхөд

“Орчин тойронд хүрээлж байгаа, үерхэж нөхөрлөж, ойр шадар яваа бүхэн аж амьдралд их нөлөөлдөг.” -Амжилтын тарни ном 

Сайн найзтай байх сайхан. Сайн найзтайгаа бид бүх л жаргал зовлонгоо хуваалцдаг. Гэвч бүх найз нөхөд үнэнч сайн найз байж чаддаггүй. Харин ч бүүр эсрэгээр нь бидний аж амьдралд, амжилтанд халтай хүмүүс байдаг. Ийм нөхөрлөлөөс хол байх хэрэгтэй.Тэд яг шимэгч гэсэн үг. Та л өөрөө холдохгүй юм бол тэд таныг шимсээр байх болно. Зарим тохиолдолд халтай найз нөхөд бидний амьдралд сөргөөр нөлөөлдөг ч гэсэн бид үүнийгээ мэддэггүй учраас эдгээр хүмүүсээс салахгүй үргэлжлүүлэн нөхөрлөсөөр байдаг. Яагаад гэвэл эдгээр халтай хүмүүсийг таньж мэдээгүйд байгаа юм.

Тиймээс өнөөдөр халтай нөхөрлөлийг яаж таньж мэдэх тухай ярихыг хүслээ.

Таньж мэдэхийн тулд дараахь асуултуудыг өөрөөсөө асуу. Асуухаасаа өмнө өөртөө тусгайчлан цаг гаргаж байгаад, бүх найз нараа жагсааж бичээд, эхнээс нь авахуулаад хамтдаа өнгөрөөсөн цаг мөчүүдээ санаж байгаад асуултутад хариулахыг хичээгээрэй.

Амжилтанд халтай найз нөхдийг яаж таньж мэдэх вэ?

1. Найзтайгаа цагийг хамт өнгөрүүлсний дараа таны сэтгэл санаа ямар болдог вэ? Сэтгэл санаа тань өндөр болдог уу эсвэл сэтгэл санаагаар унаж, тааруухан болдог уу? Яг ямар мэдрэмж төрдөг вэ?

2. Найзтайгаа хамт байх үед та өөрийгөө голох, өөрийгөө шүүмжлэх байдал анзаарагддаг уу? Эсвэл өөрийгөө аль нэг талаараа тийм ийм гэж батлахыг оролддог уу?

3. Та найзтайгаа хамт байх үедээ чөлөөтэй, тайван, өөрөөрөө байж чаддаг уу?

4. Та амьдралдаа тохиолдож буй сайхан мэдээг найздаа нууж хаалгүй ярьдаг уу? Эсвэл надад атаархана байх эсвэл намайг дэмжихгүй байх гэдэг үүднээс нууж хаадаг уу?

5. Таны найз таныг ашиглаад байгаа ч юм шиг, шахан шаардаад байгаа ч юм шиг санагддаг уу? Эсвэл үнэд ороод байгаа ч юм шиг эсвэл та өртэй болсон ч юм шиг тийм сэтгэгдэл төрдөг үү?

6. Найзад тань тохиож буй бүх золгүй явдалд та хариуцлагатай юм шиг санагддаг уу?

7. Үзэл бодлын хувьд зөрчилддөг үү?

8. Танд өгсөн амлалтаа биелүүлдэг үү?

9. Таны итгэлийг хөсөрдүүлсэн үү?

10. Хэрэг болохоороо л тантай холбогдож байна уу?

11. Танд атаархдаг уу?

12. Таныг бусдад муулж байна уу?

13. Таны найзад танд байдаг шиг хүсэл тэмүүлэл, зорилго, эрч хүч байна уу?

Тэгэхээр эдгээр асуултанд хариулснаар зарим нэг халтай найз нөхдүүдийг илрүүлэх болно.

Гэхдээ таныг эдгээр найзуудаасаа сал гэж хэлж байгаа юм биш шүү.

Хэрвээ үргэлжлүүлэн найзлах хүсэлтэй бол өөрт төрж буй мэдрэмжээ найзтайгаа ний нуугүй ярилцаж нэг тийш нь болгох хэрэгтэй гэж бодож байна. Заримдаа хүмүүс ийм мэдрэмж бусдад төрүүлээд байгаагаа мэддэггүй.

Хэрвээ та найз нөхрийнхөө холбоосыг таслах хүсэлтэй бол хүсэлтэй байгаагаа хэлээд таслах нь зүйтэй. Хэрвээ үүнийгээ хэлж зүрхлэхгүй байгаа бол уулзахаа зогсоож, утсандаа хариулахаа больчих. Тэгээд өөр найз нөхөд хайж эхэл.

Эцэст нь хэлэхэд хэрвээ та өөрөө халтай хүн бол халтай хүмүүсийг л өөртөө татсаар байх болно.

Санаж яв: Сайн найзтай болохын тулд өөрөө сайн найз болох хэрэгтэй.

Тиймээс өөрөөсөө асуу: Tа найзыгаа дэмждэг үү, та найзыгаа шүүмжилдэг үү, та найзынхаа тухай ам сайтай байна уу, та найздаа атаархдаг уу, та өгсөн амлалтаа биелүүлдэг үү, итгэлийг нь дааж чаддаг уу…г.м.?

Хэрвээ танд энэхүү бичлэг таалагдсан лайк дараад цааш нь бусаддаа түгээгээрэй. Мөн миний цахим мэдээлэл болон ютюб сувагт бүртгүүлээгүй бол яг одоо бүртгүүлээрэй. Ингэж бүртгүүлснээр би танруу 7 хоног бүр гаргадаг бичлэгээ, урмын үгс, амжилтын тарнийн хамт и-мэйл хаяг руу тань илгээх болно.

 

ХҮС. ХИЙ. ХҮР.

ТАНЫ АМЖИЛТЫН ТӨЛӨӨ

©Ука Төмөр

Jul 24 14

Ногоон шүүс яаж хийх вэ, түүний ач холбогдол

by Ука Төмөр

та ногоон шүүсээ ууcан уу?

Би ногоон шүүс уух дуртай. Яагаад гэвэл ногоон шүүс нь хүний биед ач тустай  олон зүйлийг агуулдаг.

Ногоон шүүс нь нь их хэмжээний амин дэм, ширхэглэг(fiber), антиоксидэнт(antioxidant), хлорофилл(chlorophyll) агуулсан ба ногоон шүүс хэрэглэснээр зүрхний өвчин, хорт хавдраар өвчлөх нь бага байдаг.  Ногоон шүүс нь цус төлжүүлж,  дархлаа тогтолцоог дэмжиж, элгийг цэвэрлэж, хоол боловсруулах эрхтэнг сайжруулж, биенд байгаа муу бактерийг устгах,  биеэс гарах элдэв үнэрийг хүртэл багасгадаг.
Дэлгэрэнгүйг доорх бичлэгээс үзнэ үү!

Ногоон шүүсийг хоолтой хольж уух хэрэггүй. Учир нь хоолтой хольсноор үйлчилгээ нь сулардаг. Хоол идэхээс өмнө багаар бодоход 30 минутны өмнө уух, хоол идсэний дараа 2 цагийн дараа уух нь зөв. Эсвэл өдрийн аль нэг хоолыг орлуулах маягаар хэрэглэж болно.

Хэрвээ танд энэхүү бичлэг таалагдсан лайк дараад цааш нь бусаддаа түгээгээрэй. Мөн миний цахим мэдээлэл болон YouTube сувагт бүртгүүлээгүй бол яг одоо бүртгүүлээрэй. Ингэж бүртгүүлснээр би 7 хоног бүрийнхээ бичлэгийг  урмын үгс, амжилтын тарнийн хамт таны и-мэйл хаяг руу илгээх болно.

ХҮС. ХИЙ. ХҮР.

ТАНЫ АМЖИЛТЫН ТӨЛӨӨ

©Ука Төмөр

Jul 16 14

Эрч хүчийг сорогч 9 зүйл

by Ука Төмөр

эрч хүчийг сорогч 9 зүйл

Надаас хүмүүс их асуудаг “Ука, чиний энэ эрч хүч хаанаас гараад байна аа? Яаж ийм их эрч хүчтэй болох вэ?”

Эрч хүчтэй байж бид амжилт өөдөө амжилттай алхана. Эрч хүчгүй бол бид урагшлахгүй. Хичнээн шинэ санаа байгаад, хичнээн авьяас чадвар байгаад эрч хүчгүй бол хүссэн зүйлээ бодит болгож чадахгүй. Тиймээс эрч хүчтэй байх нь маш чухал.

Доорх томьёогоос эрч хүч ямар чухал болохыг мэдэх болно.

АВЬЯАС ЧАДВАР + ЭРЧ ХҮЧ = ТОМ АМЖИЛТ

ЖООХОН АВЬЯАС ЧАДВАР + ЭРЧ ХҮЧ = АМЖИЛТ

ИХ АВЬЯАС ЧАДВАР + ЭРЧ ХҮЧГҮЙ = ЯЛАГДАЛ

Санаж яв: Эрч хүч бол амжилтын түлш.

Тэгэхээр таны эрч хүчийг яг юу сороод байна вэ?

Эрч хүчийг сорогч 9 зүйл

1. Стрэсс буюу сэтгэлийн хямрал – стрэсс хүний эрч хүчийг хамгийн их сордог. Тиймээс стрэсснээсээ салах хэрэгтэй. Мэдээж бүрмөсөн салж чадахгүй ч стрэссээ багасгаж, урьдчилан сэргийлэх боломжтой.

2. Сөрөг хүмүүс – Биднийг хүрээлж байгаа зарим нэг хүмүүс, хамтран ажиллагсад, хамаатан садан, найз нөхөд, таньдаг хүмүүс үргэлж болж бүтэхгүй сөрөг юман дээр анхаарлаа төвлөрүүлдэг. Бүүр энэ тал дээрээ гаршсан байдаг. Тэр ч үүднээсээ таны гаргасан санаа, таны тавьсан зорилгыг дэмжихгүй, бүтэхгүй байх олон шалтгаан гаргаж ирээд байгаа бол та эрч хүчээ алдаж байгаа. Ийм хүмүүсээс хол бай.

3. Буруу хооллолт – өөх тостой хүнд хоолыг тогтмол хэтрүүлж идэх, мөн архи дарс хэрэглэх нь хүний эрч хүчийг их хэмжээгээр сордог. Тиймээс зөв хооллож сурах хэрэгтэй. Архи дарснаас татгалзах нь зүйтэй.

4. Хөдөлгөөний дутагдал хүнийг эрч хүчгүй болгодог – Биеийн тамираар хичээллэж, дасгалыг тогтмол хийх.

5. Хэлсэн амандаа хүрэхгүй байх – Хэлсэн амандаа хүрээгүй тохиолдолд та бусдын итгэлийг алдахаас гадна өөрийн үнэлэмжийг бууруулдаг. Энэ нь эрч хүчээ алдах бас нэг шалтгаан болж байгаа юм.

6. Уйтгарлал – Хэрвээ та хүссэн юмаа хийгээгүй, зорилгынхоо араас яваагүй бол та нэгэн хэвшлийн амьдралаа амьдарч байна гэсэн үг. Нэгэн хэвшлийн амьдралаар амьдрах нь уйтгартай. Уйтгарлал эрч хүчийг сордог.

7. Өөрийгөө шүүмжлэх, өөрийнхөө тухай сөрөг бодолтой байх – Өөрийгөө шүүмжилж, өөрийнхөө тухай сөрөг бодлтой байх нь өөрийн үнэлэмжийг бууруулж, өөртөө итгэх итгэлээ алддаг. Ингэснээр эрч хүчгүй болдог. Энэ тал дээр би хэд хэдэн бичлэг оруулсан байгаа. Жнь: Яагаад өөртөө итгэлгүй болдог вэ? Би хангалтгүй гэдэг бодлоо яаж өөрчлөх вэ? Та өөрийгөө юу гэж бодно, та тийм л хүн гэх зэрэг бичлэг оруулсан байгаа. Эдгээрийг үзээгүй бол үзээрэй.

8. Биеэ буруу авч явах – Хэрвээ хэн нэгэн бөгтийгөөд, харц доошоо газар ширтээд, удаан хөдөлгөөнтэй, хөлөө зөөж ядан, эвшээлгээд алхаад байвал ийм хүн ямар байх вэ? Мэдээж эрч хүчгүй, доожоогүй хүн байж таараа. Харин харц дээгүүр, нуруу эгц, цоглог, инээмсэглэлээр дүүрэн, хурдан хөдөлгөөнтэй сайхан хувцасласан хүн ямар байх вэ гэвэл мэдээж эрч хүчтэй, амжилттай хүн байх нь гарцаагүй.

9. Өвчин зовлон – Энэ тохиодолд биеэ сайн эмчлүүлэх арга хэмжээ авах хэрэгтэй.

АМЖИЛТЫН ТАРНИ

Надад мөрөөдлөө биелүүлэх, зорилгодоо хүрэх хангалттай эрч хүч бий!

надад хангалттай эрч хүч бий

За тэгэхээр эдгээр 9 зүйлийн аль нь таны эрч хүчийг сорж байна вэ? Энэ тухай доор ярилцья. Сэтгэгдлээ үлдэгээрэй.

Хэрвээ танд энэхүү бичлэг таалагдсан лайк дараад цааш нь бусаддаа түгээгээрэй. Мөн миний цахим мэдээлэл болон YouTube сувагт бүртгүүлээгүй бол яг одоо бүртгүүлээрэй. Ингэж бүртгүүлснээр би танруу 7 хоног бүрийнхээ бичлэгийг, урмын үгс, амжилтын тарнийн хамт и-мэйл хаяг руу тань илгээх болно.

 

ХҮС. ХИЙ. ХҮР.

ТАНЫ АМЖИЛТЫН ТӨЛӨӨ

©Ука Төмөр

 

Jul 10 14

Яаж сөрөг бодлоо эерэг болгох вэ?

by Ука Төмөр

Яаж сөрөг бодлоо эерэг болгох вэ

Та өдрийн турш өөрийнхөө бодол дээр анхаарлаа нэг төвлөрүүлээд үзээрэй. Та нэг бол сөрөг нэг бол эерэг бодол бодож байгаа. Тэгээд эдгээр бодол танд ямар мэдрэмж өгч байна вэ гэдэг дээр анхаарлаа төвлөрүүл.

Хэрвээ бодсон бодлууд таныг тааламжгүй болгож байвал тэр бодлоосоо салах хэрэгтэй.

Та хэнд юунд гомдоллож байна вэ?

Та хэнд юунд уурлаж байна вэ?

Танд хэн юу таалагдахгүй байна вэ?

Хэрвээ та хэн нэгэнд ямар нэгэн юманд гомдоллоод, уурлаад мөн амьдрал хүссэнээр болохгүй байгаа дээр анхаарлаа төвлөрүүлээд, түүнийгээ явсан газраа яриад байх юм бол таны амьдрал хэзээ ч хүссэнээр тэнь болохгүй. Хүссэнээрээ болгохын тулд та оюун ухаан дахь бодлоо заавал өөрчлөх хэрэгтэй болно.

Санаж яв: Бодлоороо бид амьдралыг туулна. Бодлоороо бид амьдралаа бүтээнэ.

Бидний энэ бодож байгаа бодлууд юунаас үүсэлтэй вэ гэвэл бидний эцэг эх ямар бодол бодож байсан, амьдралыг яаж харж байснаас бид суралцсан байдаг. Харин эцэг эхийн энэ бодлууд хаанаас үүсэлтэй вэ гэвэл мөн ялгаагүй бидний өвөө эмээ ямар бодолтой байсан, амьдралыг ямар нүдээр харж байсан түүнээс нь өвлөсөн байдаг.

Тиймээс энэхүү бичлэгийн гол зорилго бол “Та одоо байгаа энэ бодолтойгоо үлдэх ёсгүй. Та цоо шинэ бодол бодож, бодлоо бүрэн өөрчилж, далд ухамсраа дахин программчлах боломжтой” гэдгийг сануулах зорилготой.

Таны 100% хянаж чадах зүйл бол таны бодол. Үүнийг та хийж чадна. Би ч хийж чадна. Бид бүгд хийж чадна.”

“Өөрийгөө зөвхөн аз жаргалтай, баяр баясгалантай байлгах мөн амжилтанд хүргэх бодлыг л бод!”

Бидний амьдарч буй хугацаа бол зөвхөн одоо цагт байдаг. Тиймээс бид зөвхөн одоогоо л хянаж, удирдаж чадна. Хэрвээ бид яг энэ мөчид эерэг сайхан бодлыг сонгож чадвал бидний ирээдүй аз жаргал, баяр баясгалангаар дүүрэн байх болно.

Танд яг одоо ямар бодол, ямар мэдрэмж төрж байна вэ? Та энэ мэдрэмжээ илүү сайхан болгохыг хүсч байна уу? Тэгвэл яг одоо бодлоо өөрчил. Тааламжтай сайхан бодол бод!

Хэрвээ танд хэн нэгэнд уурласан, гомдоллосон, дургүйцсэн, атаархсан…  бодол төрж байвал энергиээ ийм бодолд битгий үр. Яагаад гэвэл хэн ч юу ч таны бодлыг хянаж, удирдаж чадахгүй. Мөн та ч гэсэн бусдын бодлыг хянаж, удирдаж чадахгүй гэдгийг анхаарахад илүүдэхгүй бизээ.

Ямар бодол бодоход таны сэтгэл санаа сайхан болдог вэ? Хайрын тухай бодлууд уу? Баярлаж талархснаа илэрхийлэх бодлууд уу? Болж өнгөрсөн сайхан мөчөө бодоход уу? Эсвэл ирээдүйдээ гаргах амжилтын тухай бодоход уу? Яг ямар бодол бодоход таны сэтгэл санааг сайхан болгодог вэ?

Иймэрхүү сайхан бодлууд бодох нь өөрийгөө хайрлах нэгэн үйлдэл юм. Өөрийгөө хайрласнаар амьдралдаа олон сайхан гайхамшгийг бүтээнэ.

Яаж сөрөг бодлоо эерэг болгох вэ?

Тэгэхээр цас харнадаа аваад цаасаа голоор нь 2 хувааж нэг тал дээр нь бодож буй бүх сөрөг бодлоо жагсааж бич.

Жишээ нь: Миний амьдрал хогийн байна (надад ирсэн захидал дээр их олон хүн “амьдрал хогийн байна аа” гэж бичсэн байсан тул би үүнийг жишээн дээр оруулсан юм.), надад туслах хүн алга, би их залхуу хүн, би ерөөсөө турж чадахгүй юмаа гэх мэт.

Харин цаасны нөгөө талд энэ бүх сөрөг бодлоо амжилтын тарни болгон хувирган бич.

Тодруулбайл, амьдрал хогийн байна гэдэг нь амьдрал хогийн байгаад байгаа юм биш тухайн хүний бодол хогийн байна гэсэн үг. Тиймээс энэ бодлоо өөрчлөхийн тулд миний энэ бодол миний хуучин бодол. Би энэ бодлыг бодохоо больсон. Оронд нь эерэг бодлыг сонгож байна. “Миний амьдрал гайхамшигтай сайхнаар өөрчлөгдөж байна!” гэдэг бодлоор орлуулах.

Надад туслах хүн алга гэж бодож байгаа бол “Намайг дэмждэг, надад туслах хүмүүсээр би хүрээлэгдэж байна. Учир нь би үргэлж бусдыг дэмжиж, бусдад тусалдаг!” гэдэг бодлооор орлуулах.

Би ерөөсөө турж чадахгүй юмаа гэдэг бодлоо “Би хүссэн жиндээ очихын тулд, эрүүл чийрэг байхын тулд биеийн тамир, зөв хооллолтыг сонгож байна!” гэх жишээтэй. Яг энэ мэтчилэн бүх сөрөг бодлоо амжилтын тарни болгон бичиж түүнийгээ тууштай өдөр болгон өөрийн нэгэн хэвшил болтлоо урихыг санал болгoж байна.

АМЖИЛТЫН ТАРНИ

“Би өдөр болгоныг гайхамшигтай бодлоор эхлүүлж байна! Би бодлоо өөрөө сонгодог тул зөвхөн тааламжтай сайхан бодлуудыг сонгож байна!”

Хэрвээ танд энэхүү бичлэг таалагдсан бол цааш нь бусаддаа түгээгээрэй. Мөн миний цахим мэдээлэл болон YouTube сувагт бүртгүүлээгүй бол бүртгүүлээрэй. Учир нь би шинээр хийсэн бичлэгээ, урмын үгс, амжилтын тарнийн хамт 7 хоног бүр таны и-мэйл хаягруу  үнэгүй илгээх болно.

 

ХҮС. ХИЙ. ХҮР.

ТАНЫ АМЖИЛТЫН ТӨЛӨӨ

©Ука Төмөр

Provided by orange county fountain repair
Укагийн үнэгүй зөвлөмжийг долоо хоног бүр хүлээн авахыг хүсвэл бүртгүүлэрэй.
Бүртгээрэй!